#WorldEntertainment

Published 22 October 2021

Rust ဇာတ်ကားရိုက်ကူးနေစဉ် ဇာတ်ဝင်ခန်းတစ်ခန်းမှာ အဲလက်ဘောလ်ဝင်းက သေနတ်ပစ်ခတ်ရာမှ ဓာတ်ပုံရိုက်ကူးရေးအဖွဲ့ရဲ့ခေါင်းဆောင် သေဆုံးခဲ့ပြီး ဒါရိုက်တာတစ်ဦး ဒဏ်ရာရခဲ့တယ်လို့ နယူးမက္ကဆီကိုမှ တာဝန်ရှိသူတွေက ပြောလိုက်ပါတယ်။

ကြာသပတေးနေ့ကဖြစ်ရပ်မှာ Rust ဇာတ်ကားမှာ ပါဝင်သရုပ်ဆောင်ထုတ်လုပ်သူဖြစ်တဲ့ အဲလက်ဘောလ်ဝင်းက ရိုက်ကူးရေးမှာသုံးတဲ့သေနတ်နဲ့ ပစ်ခတ်မှုဖြစ်ခဲ့တယ်လို့ ဆန်တာဖဲနယ်ထိန်းရဲအဖွဲ့က ဖော်ပြထားပါတယ်။
ပစ်ခတ်မှုဖြစ်ပွားခဲ့တယ်လို့ 911 ကိုခေါ်ဆိုလာတော့ ရဲအရာရှိတွေကို မှုခင်းဖြစ်ပွားတဲ့နေရာကို စေလွှတ်လိုက်တယ်လို့ ဖော်ပြထားပါတယ်။

Rust ဇာတ်ကားရိုက်ကူးနေတုန်း လူ ၂ ယောက် သေနတ်ပစ်ခံရတယ်လို့ နယ်ထိန်းရဲအဖွဲက အတည်ပြုထားပါတယ်။အသက် ၆၈ နှစ်ရှိ ရုပ်ရှင်ထုတ်လုပ်သူနဲ့သရုပ်ဆောင်ဖြစ်သူ အဲလက်ဘောလ်ဝင်းက ရိုက်ကူးရေးမှာအသုံးပြုတဲ့သေနတ်နဲ့ ပစ်ခတ်ရာမှ အသက် ၄၂ နှစ်ရှိ ဓာတ်ပုံရိုက်ကူးရေးဒါရိုက်တာ ဟယ်လီနာဟတ်ချင်စ်နဲ့ အသက် ၄၈ နှစ်ရှိ ဇာတ်ကားဒါရိုက်တာ ဂျိုးလ်ဆိုဇာတို့ကို သေနတ်ထိမှန်ခဲ့တယ်လို့ ဆိုပါတယ်။

မစ္စဟတ်ချင်စ်ကို နယူးမက္ကဆီကိုဆေးရုံသို့ ရဟတ်ယာဉ်ဖြင့် ခေါ်ဆောင်သွားခဲ့ပြီး ဆေးရုံမှာသေဆုံးသွားကြောင်း ကြေညာထားပါတယ်။

မစ္စတာဆိုဇာကိုတော့ လူနာတင်ကားဖြင့် ခရစ္စတပ်စ်စိန့်ဗင်းဆန့်ဒေသဆေးကုသစင်တာကို သယ်ဆောင်သွားပြီး ဆက်လက်ဆေးကုသလျက်ရှိပါတယ်။

စုံစမ်းစစ်ဆေးမှု ပြုလုပ်နေဆဲဖြစ်ပြီး ဒီကိစ္စနဲ့ပတ်သက်လို တရားစွဲဆိုထားတာတော့ မရှိသေးပါဘူး။

မစ္စတာဘောလ်ဝင်းက သူကိုယ်တိုင် ထောက်လှမ်းရေးတွေနဲ့ စကားလာပြောခဲ့ပြီး ပြန်ထွက်သွားခဲ့ပါတယ်လို့ နယ်ထိန်းရဲအဖွဲ့မှ ဟွမ်ရီယိုစ်က The Guardian သတင်းစာကို ပြောသွားပါတယ်။

ကျည်မပါတဲ့သေနတ်နဲ့ ပစ်ခတ်တဲ့အခန်းကို ရိုက်ကူးရင်း မတော်တဆမှုဖြစ်သွားခဲ့တယ်လို့ ဘောလ်ဝင်းရဲ့ ပြောဆိုခွင့်ရှိသူတစ်ဦးက ဆိုပါတယ်။

ဆန်တာဖဲမှ နေထိုင်သူတစ်ဦးက ကြာသပတေးနေ့က ဘောလ်ဝင်းကို ရဲစခန်းအပြင်ဘက်မှာ မျက်ရည်တွေနဲ့တွေ့လိုက်ရပြီး မေးမြန်းမှုတွေကိုတော့ ဖြေကြားခြင်းမရှိဘူးလို့ ဆိုပါတယ်။

စုံစမ်းရေးတွေကတော့ သေနတ်ပစ်ခတ်မှုကနေ ဘယ်လိုအရာထွက်သွားခဲ့သလဲဆိုတာကို စစ်ဆေးနေကြပါတယ်။

ဟယ်လီနာဟတ်ချင်စ်သေဆုံးမှုအတွက် ဝမ်းနည်းပူဆွေးကြောင်း လူမှုကွန်ရက်တွေမှာ အများအပြားတွေ့ရပါတယ်။

Rust ဇာတ်ကားကို နိုဝင်ဘာအစောပိုင်းမှာ ဆက်လက်ရိုက်ကူးဖို့ စီစဉ်ထားတယ်လို့ နယူးမက္ကဆီကိုရုပ်ရှင်အဖွဲ့က ကြေညာထားပါတယ်။

နာမည်ကျော်ဖိုက်တင်သရုပ်ဆောင်ဘရုစ်လီရဲ့ သားဖြစ်သူ ဘရန်ဒန်လီဟာ ၁၉၉၃ ခုနှစ်မှာ ဇာတ်ကားရိုက်ကူးနေစဉ် သေနတ်ပစ်ခန်းတစ်ခုမှာ ကျည်မတော်တဆထိမှန်မှုကြောင့် သေဆုံးခဲ့ဖူးပါတယ်။
Source The Guardian

  • ကင်းမရွာကိုလှူဒါန်းဖို့ရရှိခဲ့တဲ့Crownကို မဲဖောက်ရောင်းချမယ်လို့ကြေငြာခဲ့တဲ့အလှမယ်...

  • #ဂီတလောကကိုအပြီးတိုင်နှုတ်ဆက်လိုက်ပြီဆိုတဲ့အဆိုတော်ရိန်မိုး

  • #သရုပ်ဆောင်သက်မွန်မြင့်၊ အေးမြတ်သူ၊ ချစ်သုဝေ တို့အပါအဝင်အနုပညာရှင်(24)ဦးတို့ကို ပုဒ်မ၅၀၅-ကဖြင့်အမှုဖွင့်အရေးယူထားခြင်းရုပ်သိမ်း

  • #မိတ်ကပ်မေဦးမောင်_တော်ဝင်သူ_လွတ်ပီ

  • #အဆိုတော်မီးနိုဖမ်းဆီးထိန်းသိမ်းခံရ

  • #ဓာတ်ပုံသစ်လေးတွေ ပရိသတ်တွေကို ပြသလာတဲ့ နက္ခတ်တို့ဇနီးမောင်နှံ

  • ဆန်အိတ်တွေ လှူဒါန်းခဲ့တဲ့သင်ဇာဝင့်ကျော်

  • Grand Royal Special Reserve က ၂၀၂၁ ခုနှစ် National Consumer Promotion အစီအစဉ်၏ ရွှေသားအတိဖြင့်ပြုလုပ်ထားသော ရွှေပုလင်းကံထူးရှင်ကို ထုတ်ဖော်ဂုဏ်ပြု

  • စည်သူ ဗိုလ်ကလေးတင့်အောင် ကွယ်လွန်

  • လူရွှင်တော်ဦးနေကျော်ကို မေတ္တာမြင့်မြတ်ဟိန်းနဲ့သူငယ်ချင်းတစ်စုကဂါဝရပြုလှူဒါန်း

  • ရဲတိုက်၊ Beauty Blogger ဝင်းမင်းသန်း တို့ ပုဒ်မ ၅၀၅- က အတွက်လွတ်ငြိမ်းရသော်လည်း အခြားအမှုများရှိနေသေး၍ ကျန်နေခြင်းဖြစ်

  • Dettol Myanmar မှ သက်ကြီးရွယ်အိုများနှင့် ကလေးငယ်များထံ တစ်ကိုယ်ရေသန့်ရှင်းရေးနှင့် ကျန်းမာခြင်းများဝေမျှခဲ့

  • အကယ်ဒမီကျော်သူ၏ဖခင် မြန်မာနိုင်ငံရုပ်ရှင်အစည်းအရုံးနာယကဦးစိန်တင်(အမျိုးသားရုပ်ရှင်) ကွယ်လွန်

Contact Us

09-43185299



Room No.101,1'st Floor, Building D, Maha Bandula Tower, Maha Bandula Road, Pazundaung. Beside east point Ocean, Same floor with Eaindra online Store.