#WorldEntertainment

၁၉၈၀ကျော်ကာလများက နာမည်ကျော်လူကြိုက်များခဲ့တဲ့ “Broadcast News” “Body Heat” နှင့် “The Big Chill” ရုပ်ရှင်ဇာတ်ကားတွေမှာ အဓိကသရုပ်ဆောင်ခဲ့တဲ့ ရုပ်ရှင်မင်းသားကြီး ဝီလီယမ်ဟတ်ဟာ အသက် ၇၁နှစ်အရွယ်မှာ ကွယ်လွန်ခဲ့ပါတယ်။

ဟတ်ဟာ မတ်(၁၃)ရက် တနင်္ဂနွေနေ့က မိသားစုဝင်တွေကြားမှာပဲ ငြိမ်းအေးစွာ ကွယ်လွန်သွားပြီးဖြစ်တယ်လို့ သူ့သား ဝယ်လ်က သတင်းထုတ်ပြန်ပါတယ်။ ဟောလီဝုဒ်ရီပို့တာသတင်းဌာနကတော့ သူဟာ အော်ရီဂွန်ပြည်နယ် ပေါ့တ်လန်းက သူ့အိမ်မှာကွယ်လွန်သွားတယ်လို့ပြောပါတယ်။သူဟာ ယခင်က ဆီးကျိတ်ကင်ဆာရောဂါကို ကုသခံခံခဲ့ရပါတယ်။ ၂၀၁၈ခုနှစ်မှာ ကင်ဆာဆဲလ်တွေဟာ အရိုးအထိပျံ့နှံ့ခဲ့တာဖြစ်ပါတယ်။

ဟတ်ဟာ ရုပ်ရှင်လောကမှာ နှစ်ကာလရှည်ကြာ ကျင်လည်ခဲ့သူဖြစ်ပါတယ်။ လေးကြိမ်တိုင်တိုင် အကယ်ဒမီဆုအတွက် ဆန်ကာတင်အရွေးခံခဲ့ရပြီး ၁၉၈၅ခုနှစ်မှာ ဂေးအကျဉ်းသားတစ်ဦးအဖြစ်သရုပ်ဆောင်ခဲ့တဲ့ “Kiss of the Spider Woman” ဇာတ်ကားနှင့် အကောင်းဆုံးသရုပ်ဆောင်ဆုရခဲ့ပါတယ်။

သူဟာ ၁၉၈၁မှာပြသခဲ့တဲ့ လိင်အသားပေး ရုပ်ရှင်ဇာတ်ကား “Body Heat”မှာ ရှေ့နေတစ်ဦးအဖြစ် မင်းသမီးကြီး ကက်သလင်းတာနာနှင့်အတူ သရုပ်ဆောင်ခဲ့ပါတယ်။ ကတ်ဟာ ဝါရှင်တန်ဒီစီမှာ မွေးဖွာခဲ့ပြီး သူ့အဖေဟော နိုင်ငံခြားရေးဝန်ကြီးဌာနမှာ အလုပ်လုပ်ခဲ့ပါတယ်။မိဘနှစ်ပါးက သူ၁၀နှစ်အရွယ်မှာ ကွဲခဲ့ပြီး မိခင်က တိုင်းမ်မဂ္ဂဇင်းတည်ထောင်သူ ရဲ့သားတစ်ဦးဖြစ်တဲ့ ဟင်နရီလုစ်-၃ နှင့် လက်ထပ်ခဲ့ပါတယ်။

ဟတ်ဟာ ၁၉၇၁ခုနှစ်ကနေ ၁၉၈၂အထိ “Big Chill” ဇာတ်ကားမှာ တွဲဖက်သရုပ်ဆောင်ခဲ့တဲ့ ရုပ်ရှင်မင်းသမီး မာရီဘတ်ဟတ်ကို လက်ထပ်ခဲ့ပါတယ်။ အဲဒီနောက် ဆန်ဒရာဂျင်နင်းနှင့် ဇာတ်လမ်းဖြစ်ခဲ့ပြီး သားတစ်ဦးမွေးဖွားခဲ့ပါတယ်။ အဲဒီနောက် သူမဟာ တောင်ကာရိုလိုင်းနားဥပဒေအရ ဟတ်ရဲ့ ဇနီးဖြစ်လို့ ဟတ်ဝင်ငွေတွေ မျှဝေခံစားထိုက်တယ်လို့ ဆန်ဒရာဂျင်နင်းကတရားစွဲတဲ့အတွက် လူသိအလွန်များတဲ့ တရားစွဲဆိုမှုတစ်ခုဖြစ်ခဲ့ပါတယ်။ သို့သော်တရားရုံးက ဟတ်ဘက်နေပဲ အနိုင်ပေးခဲ့ပါတယ်။
Source AP

#8days_TV

#WorldEntertainment

The Matrix Resurrections ဇာတ်ကားသစ် ရိုက်ကွင်းတစ်ခုမှာ Keanu Reeves နဲ့ Carrie-Anne Moss တို့က အထပ် ၄၀ မြင့်အဆောက်အအုံပေါ်ကနေ ခုန်ချခဲ့ကြတယ်လို့ Keanu Reeves က အင်တာဗျူးတစ်ခုမှာ ပြောကြားသွားပါတယ်။

သူတို့နှစ်ယောက်ဟာ ဒီဇာတ်ကားထဲမှာ Neo နဲ့ Trinity အဖြစ် ပြန်လည်ပါဝင်လာခဲ့ပါတယ်။

အင်တာဗျူးတင်ဆက်သူ စတီဖင်ကိုလ်ဘတ်က ဘာလို့ဂရပ်ဖစ်ဒီဂျစ်တယ်တွေအသုံးမပြုဘဲ ကိုယ်တိုင်ခုန်ချတာလဲလို့ မေးမြန်းခဲ့ပါတယ်။

"ဒါရိုက်တာ Lana Wachowski က လုပ်ခိုင်းလို့ပေါ့။ The Matrix ဇာတ်ကားကို သဘာဝအလင်းအမှောင်အတိုင်း ရိုက်ကူးချင်လို့ပါ။ ခုန်ချတုန်းကတော့ ကြိုးတွေတပ်ဆင်ထားရတာပေါ့"လို့ Reeves က ဖြေကြားခဲ့ပါတယ်။

Reeves က "ကျွန်တော်နဲ့ Moss တို့ လက်ကိုင်တွဲပြီး အဆောက်အအုံပေါ်ကနေ ၁၉ ကြိမ် အကြိမ် ၂၀ လောက် ခုန်ချခဲ့ကြတယ်။ ပထမဆုံးတစ်ကြိမ်ခုန်ပြီးတော့ ကြောက်စိတ်ကို စဉ်းစားမနေတော့ဘူး။ ကြောက်စိတ်ကိုဖုံးမနေဘဲ ရင်ဆိုင်လိုက်တယ်။ ပြီးတော့ခုန်ချလိုက်တာပါပဲ"လို့ ပြောသွားပါတယ်။

ခုန်ချရတာ စိတ်လှုပ်ရှားဖွယ်ကောင်းပြီး အရင်က ဘန်ဂီခုန်ချခြင်းကိုတောင် တစ်ခါမှမလုပ်ဖူးကြောင်း Reeves က ပြောပါတယ်။

The Matrix Resurrection ဇာတ်ကားကို ဒီဇင်ဘာ ၂၂ ရက်နေ့မှာ HBO Max ကနေ ထုတ်လွှင့်ပြသသွားမှာဖြစ်ပါတယ်။

Source: CNN

#WorldEntertainment
Published - 23 December 2021

Lily Collins ပါဝင်သရုပ်ဆောင်ထားတဲ့ Emily in Paris Season 2 က စိတ်လှုပ်ရှားဖွယ်ရာ အပြောင်းအလဲတွေနဲ့အတူ ဒီဇင်ဘာ ၂၂ ရက်နေ့မှာ ထွက်ရှိလာတော့မှာ ဖြစ်ပါတယ်။

ဒီ Season မှာတော့ အမျိုးသားသရုပ်ဆောင်တွေ ပိုမိုပါဝင်လာပြီး ပဲရစ်မြင်ကွင်းတွေကိုလည်း ပိုမိုမြင်တွေ့ရမှာဖြစ်ပါတယ်။
Emily in Paris ဇာတ်လမ်းတွဲရဲ့ ဖန်တီးသူ Darren Star က ဒီဇာတ်လမ်းမှာ Emily က သူ့ဘာသာရပ်တည်ရတော့မှာ ဖြစ်တယ်လို့ အော်ပရာမဂ္ဂဇင်းဝက်ဘ်ဆိုက်ကို ပြောကြားခဲ့ပါတယ်။

"Season 2 မှာ Emily က ဘဝရဲ့ အနိမ့်အမြင့်အတက်အကျတွေေနဲ့ ကြုံတွေ့ပုံတွေကို မြင်တွေ့ရမှာပါ။ ပဲရစ်မြို့သူတစ်ဦးနဲ့ ပိုပြီးဆင်တူလာပါတယ်။ အဲဒီမှာအခြေချပြီး သူ့ဘာသာရုန်းကန်လှုပ်ရှားရမှာ ဖြစ်ပါတယ်" လို့ Darren Star က ရှင်းပြထားပါတယ်။

Lucien Laviscount နဲ့ Arnaud Binard တို့ ပါဝင်သရုပ်ဆောင်ထားတာကြောင့် Emily ရဲ့အချစ်ရေးကိစ္စဟာ ပိုပြီးစိတ်ဝင်စားစရာ ကောင်းလာပါတယ်။

Alfie အဖြစ်သရုပ်ဆောင်ထားတဲ့ Lucien Laviscount က နေရာတကာအဆိုးမြင်တတ်ပြီး ဆွဲဆောင်မှုရှိတဲ့ ဗြိတိန်လူမျိုးဘဏ်အရာရှိဖြစ်တယ်လို့ ဖော်ပြထားပါတယ်။

ပြင်သစ်စကားမပြောချင်တဲ့အပြင် ပြင်သစ်စရိုက်တွေ မကူးစက်လာအောင် ကျင့်ကြံနေတဲ့သူဖြစ်ပြီး Emily နဲ့ လိုက်ဖက်ညီလောက်မယ့်လူ ဖြစ်ပါတယ်။
မီဒီယာရှင်းလင်းပွဲမှာ Netflix ရဲ့ပြောကြားချက်အရ Season 2 မှာ Saint Tropez မြို့နဲ့ အခြားနေရာများစွာမှာ ရိုက်ကူးထားပါတယ်။

ဆွဲဆောင်မှုအားကောင်းတဲ့ Laurent အဖြစ် Arnaud Binard က သရုပ်ဆောင်ထားပြီး Saint Tropez နိုက်ကလပ်ပိုင်ရှင်ဖြစ်ကာ အရောင်းမြှင့်တင်ရေးအတွက် Emily ကို အလုပ်ခန့်လိုက်တဲ့သူဖြစ်ပါတယ်။

ဒါ့အပြင် Jeremy O. Harris နဲ့ Jean-Christophe Bouvet တို့လည်း ပါဝင်ထားပြီး William Abadie ကလည်း ဇာတ်လမ်းတွဲတလျှောက် ပါဝင်နေပြီဖြစ်ပါတယ်။

Ashley Park ရဲ့ Mindy ဇာတ်ကောင်မှာလည်း ပြောင်းလဲမှုအများကြီး ပါဝင်ထားပါတယ်။"Season 2 မှာ အချစ်ရေးကိစ္စတွေ အများကြီး ပါဝင်လာမှာဖြစ်ပါတယ်။ Mindy လည်း ဒီကိစ္စတွေမှာ ပါဝင်လာပြီး အပြောင်းအလဲတွေ ဖြစ်လာမှာပါ" လို့ Ashley Park က ပြောသွားပါတယ်။
Source: E!Online